dili ko gusto ug agik-ik
gusto ko ug buhakhak
lisod ning katawa nga pinugngan
gustong ipabuhagay apan inalihan
kalagot ning aligutgut sa dughan oi
labi na ning anaa kay hunahunaon
unsaon pag sulbad sa giatubang nga dag-om
dili ka na hinoon makakatawa ug way pugong-pugong
ngano man sad ning utok nga dili man kabalo mulikay
dili kabalo mo atraka ug mo kontra
pasagdan na lang nga mapukan ang alimpatakan
ug daug-daugon ang ganghaan sa dughan
lupigon sa katalaw ang kaisog
ilabi na ug dili magka sinati ang hunahuna ug pagbati
pastilan gayod ning kahadlok
tungod sa walay kaisog ang katawa dili na mapabuhagay...
mao na ni ron, unsa kahay angay buhaton
aron kining hunahuna mahilom
ug mubalik ang pahiyon ug ka malipayon
mawagtang na unta kining maong lagtom sa kaguol...
