"MISTER LOSER!"

He is the Master of his Own
The Ruler of his Doom
The creator of his Trouble
And the disciple of his Principle.

Workaholic as I address this guy
Immature that even a small work can make him cry
A genius in nature but coward in profession
He was being drown by his very own

He was the guy with a magic touch
He can turn lies into facts
An achiever of his own goal
No one can ever break his throne

But the other side of him
Makes him mean again and again
His feeling kills him and puts him in hell
His weakness blows everytime he feel

Worries become his companion
His mind were being covered with dark intention
Self confidence now turns into cowardness
Because he's afraid of commiting mistakes

His pride must always be proud
Everything he did must be recognize by the crowd
He has this fear that makes him weak
And turns him into being meek

Some say how lucky this guy is
Destiny always make him pleased
He achieve hiw own goal of success
And everyone utters him praise

But no one knows what's his going through
All were just lies and merely untrue
Fearsome guy he is now
Full of doubts that never boast somehow.

He is totally in wreck now
The more he own the more he look frown
He maybe wealthy physically
But sad to say he is poor emotionally

He will be consider as the mighty one
Cannot be rejected by anyone
His wit and glamour makes him true man
But his possession never was his fun

Great pretender now I call him
His being were gradually covered with shame
He got lots of glitz but lose the fame
In chaos and trouble he is now living

Today this guy is totally were out of sight
He now surrender the race of life that he can't fight
A man once called a gladiator
Is now a piece of diamond that cannot be adore

An awesome man now becomes ordinary
A wealthy man now becomes somebody
With pride that he always carry
Hope he will realize someday that life is not that easy

Mister loser now they call him
His belongings vanished together with fame
He lost everything he own
And now living with debts he owe!!!

"Katahom Handumon niadtong gabiing Masaaron"

Usa ka gabiing mabugnaw ug mahilom

walay laing kasikas ug mabati mao ra

ang tingog sa mga pispis nga murag

nanagsitsit sa isig kaingon

Ilawom sa dakong kahoy duha ka nilalang ang nag-    abang didto duha ka gugma nga putli ug     walay  sama gugma nga gipanag-iya sa duha ka minugna

kana walay lain ikaw ug ako da.

Ilawom sa dan-ag sa kahayag sa buwan

kita nagpaulipon sa duruha ta ka pagbati

gisaw-an nato ang huruhoy nga kabugnaw sa   hangin

nagkahiusa ang matag gininhawa ta

gipukaw ang nahikatulog nga kainit sa usag-usa.

ug didto atong gipanumpa ang mga gibati ta

uban sa paghuros sa hangin, gipahibalo ta ang

atong gugma sa tibook kawanangan

ang mga saad nga dili angay mapapas

tungod kay gigapos sa duruha ka gugma ta.

Katahom gayod handumon niadtong gabiing masaaron

kanunay nagpahinumdum sa tim-os nga gugma ta

kadtong gabii nga matag oras nagduwa-duwa sa

akong panumduman ug naghatag ug kasadya sa akong dughan.

Hahay! pagkaanindot gayod handumon,

ang mga ngabil mo nga nagsugilon sa mga saad

nga sa kanunay paga handumon ta

sa mga mata mo nga mopiyong sa matag hagwa

ko sa imong mga aping

kanindot paminawon sa imong mga talidhay ug agik-ik

ug katam-is gayod sa mga saad mo nga gibuhian

sa gugma nga walay sama.

Katahum handumon niadtong gabiing masaaron

sa tibook kinabuhi ko ako gayod kadtong dad-on

hantod sa kamatayon

    tungod kay sa maong kagabhion

    akong naangkon ang limpyo, tin-aw walay sabod

    ug hugot gayod.... nga mga saad nga sa walay

    katapusan ako higugmaon ug dili mo pagalimbungan

    ug kabuangan...

"Gwapang Maut"

ambot ug ngano ba nga ania man gyo'y gipakatawo nga maldita

nagtuo man siguro ni siya ug kinsa na siyang gwapaha

nga kon imong tagdon modayon man ug kusmod ang nawong

pagbati na siguro niya nga mura na siya ug si "cleopatra"

apan kon imong sutaon pobre pa man sa tiking walay ngipon

bisan unsaon mo pa ug uyon-uyon

pamatasan nagpabiling maot sa gihapon

abi na siguro niya kon kinsa silang artistaha

naa pay nilaktan arang artiha

kinataw-an pa imoha sarang igata

kon imong istoryahon insulto lang gayod ang imong maangkon

ug imo ganing parayegan mugara hinoon ang buang

kahibulong ko gayod ug dako nganong ingon ani siya mitubo

pobre pa man unta sa langaw nga lakawan

apan ang batasan walay sama ka dautan

pagkalagot ko gayod sa babayeng ingon ani ka maut

maayo ra ba ug anaay ikapang hambog

aron sa ingon kita kaniya mutahod

apan! sus! wala man gani ikapakita maski pangpa gwapa lang unta

pero kusog kaayong mo gara-gara

kay lagi nagtoong siya wala nay sama ka gwapa

ambot lang sa langaw, sa Diyos ako na lang ipang hupaw

ako na lang siyang iampo, ug sa Ginoo ako mangaliyupo

manghinaut nga siya mausab

ug batasan niyang maut sa kalit mo anindot

pangayoon ko usab sa kahitas-an

nga bisan kinabuhi niya nag-antos sa pagka walay nahut

batasang maut mawagtang na sa limot

aron sa ingon magtarong sa iya ang akong buot.

""""BIGA""""

BIGA....                              usa ka pagbati

nga kon ugaling mutukar na

dili mo gayod malikayan ang kagilok nga hilabihan

dili mo matugkad ang tumang kainit ug kahinam sa usa ka butang

daw usa ka bomba nga di mapugngan nga mobuto na lang

ang lawas mo kalit nga maghandum ug taman

sa usa ka minugna nga dugay mo na nga gikahinaman

sa imong panumduman magduwa-duwa ang daw mga hilas ug malaw-ay nga butang

bisan kahibalo nga sala ang maong buhat

paningkamutan pa gayod nga kini mahatagan ug kamatuoran

dili na lang huna-hunaon ang nausik nga panahon

mga salapi nga tinigom ka usa ra gamiton

kay lagi lawas angay nga tagbawon

aron malipay sa usa lang ka gabii maangkon

wala panumbalinga nga ang maong kalipay lumalabay ra

giilad ang kaugalingon sa lawasnon nga limbong

kay lagi wala mapugngi ang dakong "biga" nga sa utok mipildi

ang kainit sa lawas higala ko mapugngan ra nimo

ayaw pagpapildi sa "biga" mo nga gibati

sa laing butang ilingaw kini

gikinahanglan ka lang ug saktong butang aron kapahungawan

ayaw palupig sa biga nga hilabihan

suwayi ang mga duwa nga makapaugnat sa imong kabukugan

ug pasingot lang sa mga gingbuhaton sa puluy-anan

ayaw usiki ang imong kusog sa maong butang lamang

hinumdumi nga ka usa ra ka ana makadamang

pipila ra man ka oras ka ana magtagbaw ug taman

apan pagka human kwarta mo sa kalit mahanaw

kon sa mas bililhon pa nga butang kin imong gitagan-an

siguradong sa tibook kinabuhi mo imo kining kapuslan

dili sama sa pagtubag sa "biga"

nga kon sa tagalog pa "panandaliang aliw lamang"

mga kinitaan mo siguradong mawagtang

ug sa kadugayan makita ka na lang nga mamunit ug bahaw

kay lagi kaugalingong panudlanan labaw pa sa gilangaw

biga mo man tuod imong gitagbaw

apan sud-onga kaugalingon mo karon wala nay puloy-anan..

Sa akong pagpanimpalad.... sa unang trabaho...

UNANG YUGTO SA DAKONG BUGNO….


…karon sa akong nahimutangan…

Ania na usab ako, nanimpad sa dapit nga halayu.
Singapore kuno ang ngalan sa nasud nga nahimutangan ko.
Niining maong dapit naningkamot sa hingpit
Wa panumbalinga ang mga pag-antos ug kapait.

Akong giatubang ang dakong kalahian
Sa mga batasan sa akong mga kauban
Maglisod akog sabot sa ilang pinulungan
Apan akong gihunahuna ang tanan aron lang ako mahimutang.

Kakapoy sa lawas akong gidala-dala
Ang importante sa akoa ang maka kwarta
Bisan kadaghan sa samad naangkon ko na
Apan akong giagwanta kay lagi ang makasapi ang akong tinguha.

Sa akong pagpanimpad niining maong dapit
Kaisog ug pagsalig sa Ginoo maoy akong gibitbit
Bisag unsa pa man ang akong maagian niining maong dapit
Di ko igsapayan kay sya ang nagbantay kanako sa hingpit.

Sa akong pagbaktas sa dalan kada adlaw
Akong matagamtam ang tumang kamingaw
Sa dapit nga akong natawhan akong mahinumduman
Ang mga buluhaton ko sa akong gi trabahoan

Usahay mubati ako ug kalooy sa kaugalingon ko
Niining maong trabaho dili gayod ako insakto
Giyatakan ang dakong grado nga nakab-ot ko
Bugti sa dako kuno nga sweldo nga maangkon ko

Apan panudlanan ko karon sama ra man ghapon
Bisan unsaon ko pa ug tigum sa kwarta nga akong naangkon
Di gihapon kabayran ang mga kamingaw ug kakapoy
Nga akong gipas-an aron makab-ot akong pangandoy

Sa matag karon ug unya mibati ako ug kalaay
Kay lagi ang mahimo trabaho ra ug balay
Walay laing kapaingnan aron usahay malingaw
Niining maong dapit sa kalaay di makapahungaw

Apan dili pa ulahi ang tanan kay ako tawo lamang
Ug unsa man kini karon nga akong nahiaguman
Isipon ko kini nga usa ka bugno sa akong padulngan
Aron ako makapangandam sa mas dako pa nga pagsulay sa kalibutan…

"kay bwisit ka man"

dili ko unta buot bukikion ang gabokon ug gubaon ta nga gugma

apan kay ikaw man ang nagtuli sa pisot ta nga relasyon

ako na lang kuhaon ang yawi sa kasilyas

aron adto akong ipabuhagay ang nagkaigit ko nga mga pagmahay

kay sa kibot niadtong akong mga pagbakho

mao ang usa ka dakong pagdagulo sa gipanuhot ko nga pagbati

kay lagi nag-inusara ikaw nga kapahungawan sa panuhot nga nagpundo ning maong dughan

nga kon ugaling di ko mapugngan mubuhagay ug imo gayod masimhot

ang gikahinamang baho nga gustong ipasumbingay niining maong galamhan

ang kugan sa samad nga imong gibilin sa dihang mipanaw pag kalit

sa kalit napaknit ug ako kining gipunit

tilawan unta pag balik aron akong maaninag

ang kagahapon nga gikalimtan mo sa hingpit

isikma ko na lang siguro kining nag ping-ot ko nga ilong

tungod sa pag sigi ug bakho sa pagpanaw mo nagka sip-on ako

niining hilabihang muta nga mugulwa sulod sa mga mata ilawom

sa mabugnaw nga kadlawon kay lagi sa pagpunay ug dangoyngoy kay kanimo naghandom

wangion ko na lang kining kibot sa atong mga panumpa aron akong hulbuton ug husloon

kadtong usa sa mga saad mo nga unungan ako, madugta man sa lubnganan kining lawas ko.

apan pakyas ako tungod sa giuna mo ug pulpog ang mga koral sa payag

nga nahimutangan sa mga panaad ta ug didto imong gipanamastamasan pag maayo

gihubuan ug sa walay pagpanuko giamong-amongan mo ang bus-ok nga pagtoo

nga ikaw ug ako ang magsawo sa panos ta karon nga gugma

pagka dako gayod nako nga tonto

gipasagdan ko nga ukayon mo ang maayong pagkahapnig nga gugma ko

nagtoong dili ikaw magluib ug imong ipadayon ang pagpatolo sa singot

ug paguwaon gayod ang duga nga hilabihang gisuyop sa walay kinutubang ugat

nga gidagay-dagayan sa duruha ta ka gugma

matilawan unta nato pagbalik ang katam-is sa matag higayon nga saw-an ta ang

sarang pagkalami sa atong gibati

apan karon ang tanan usa na kagahapon dili ko na gayod makawhat

ang kagahion sa gugma mo nga kalit gilimbungan ako

gipasagdan nga ang akong gibati mutampisaw na lang sa ihi sulod niining arenola...

gilaslasan mo ug taman ang akong dughan

ug gihiwa mo gayod ang akong kailadman

tungod kay buwisit ka man.....

"Udlot sa Gipanamastamasang Pagbati"

Usa ako ka ordinaryong linalang

nahigugma sa usa ka minugna nga hilabihan

sa tibook kinabuhi siya lamang ang gihalaran

usa sa kahangturan ako sya nga ampingan.

Ang among panag-uban walay kinutuban

ug nga kaming duha ang sa katapusan manag-uban

ang tanan ko nga kabtangan sa iya lamang gitugyan

ug nanumpa kami nga dili na mulingi pa sa uban

Pero nagdahum ako nga walay katapusan ang tanan

nagtoo nga perpekto na ang among panag-uban

wala damha nga ang gamay nga panag-away

maoy maka patay sa gugma namo nga tunhay

Paingon ko ba ug dili sya matintal

nga sa akoa lamang ang iyang pagmahal

tungod kay nakakita sya ug usa ka linalang

ug sa kalit ak gibiyaan na lang

Nahibulong ako ug dako nganong sa ingon ka sayon sya nipalayo

ang tanan sa kaniya gihatag naman nako

dili ko man gani sya mahimong dagmalan

tungod kay sama sya sa usa ka brilyante nga ako gayod  giampingan

Wala ako makahibalo ug unsa ang nakita sa maong tawo

sa pamatasan dili man unta kini husto

usa ka tawo nga barumbado

ug dili gayod angayan para kaniya nga edukado

Sama sa kandila ako inanay nga naupos sa kasakit

ang dughan ko gilangkat ug gisamaran sa hingpit

pagbati nga iya lamang gipanamastamasan

usa sya ka linalang nga tikasan ug walay batasan

Kahapdos sa galamhan ang gibati ko sa matag karon ug unya

daw nawala ako sa panumduman nga siya mibiya

iya gayod akong gipasakitan ug taman

gipasagdan nga maghilak sa hilabihan

Pipila usab ka higayon ko nga masud-ong

ang dakong panghitabo sa akong kaugalingon

nagtoo ako nga dili ko kadto malapsan pa

tungod kay tumang paghigugma gayod akong gibati niadtong bayhana

Apan karon naka antigo na ako

sa mga panaad dili gayod magpatonto

gugma dili angayan ihatag tibook porsento

kay wala ikaw makahibalo kung sya na ba ang para kanimo

Ug karon ang gipanamastamasang pagbati nangudlot

kasingkasing kinahanglan dili na mahimong alaot

nakat-on na ako sa sobrang kahapdos

niadtong nahimo akong walay pulos

Ang udlot sa gipanamastamasang pagbati

sa dughan ko na karon naghari

kini ang igong sumbanan aron dili na ako mahimo pa nga kabuangan

sa mga linalang nga walay baruganan

Kining maong udlot nga magtudlo kanako

aron dili na gayod magpatonto

nakat-on na ako sa husto

kon unsaon pagmahal ug insakto

Ang udlot sa gipanamastamasan ko nga pagbati

mahimong modako ug mutubo pagdali

sa dili madugay mahimo na kining usa ka hingpit nga dahon

dahon nga mag silbing muhupay sa panahon

Ang maong dahon mahimong malarag karon

o dili ba malaya ug kini sa kalit mahagbong

mao usab kana ang panahon nga sa hingpit akong maangkon

ang tunhay ug tinud-anay nga gugmang gipangandoy ko karon