kini ang akong gang-gang...

“ludhan, pakamatyan ug pakaslan……. (sa Bus ko kini namugna March 26, 2010 Friday, 4:48pm)

Milupad ang hunahuna ko karon, kalit nawala sama sa usa ka tagolilong. Mikuyanap sa akong panumduman ang daw usa ka alimpos nga maoy nagpadpad sa kasakit ngadto sa wanang sa kawad-on. Ang maong katingalahang bul-og sa hurohoy sa usa ka hangin bunga ra diay sa padayon kong paghandom sa usa ka linalang nga gihigugma ko kaayo karon. Sa matag takna nga atubangon ko ang kahayag ni haring adlaw, ang dughan ko ibayaw sa panganod nga puno sa mga anghel nga nag agik-ik ug nagsul-ob sa kalahiang pahiyom. Sulod sa akong handurawan nagduwa-duwa ang usa ka halandong babaye nga maoy nagdani kung asa ko angay muagi, sya nga usa ka minugna nga gialirungan sa mga kasilak sa kaayo ug paghigugma, ang maong linalang nga nagdan-ag sa akong dalan padulong sa kalampusan nga gusto nakong matagamtaman. Luyo sa akong mga pagbakho sya ang mopikpik kanako aron mukawas sa kasakit nga diin ako karon naligo. Ang akong mga pagbangutan ug kasubo iyang gihupay ug gitambalan ang akong mga pagmahay Ug karon nga sya ania na sa akong kiliran dili na gayod ako nya pasagdan. Sa iyang mga bukton akong natilawan ang siguridad nga wala ko pa naagian ,Kalmado akong dughan kay ania na sya nga maoy muhupay sa mga kasub-anan, Sya ang langit ug ang akong paraiso .Kaniya nakita ko ang dapit nga sa damgo ko lang maadto, Iyang kinaiyahan maoy dangpanan sa samaran kong dughan tungod sa kasakit nga akong naagian ug ang iyang pangalan maoy nagsilbing huni sa akong dunggan nga maoy naghatag ug kalinaw sa gubot ko nga panumduman . Dili ko gayod sya ibaylo bisan unsa pa nga bulawan .Ang kabililhon sa iyang gugma maoy akong sumbanan aron dili na magtinalawan. Usa sya ka anghel nga maoy nag-agak kanako aron dili na mahisagmuyo Sya ang gipadala sa labaw nga makagagahum sa tanan aron ako tambalan sa kahapdos nga akong natilawan niining bugno ko sa kalibutan Ang nag-inusarang pangalan nga maoy akong gihalaran Sya sama sa inahan sa kanunay’ng panabang dili muila ug kinsa ang tabangan Angay sya nga ludhan, pakamatyan ug pakaslan kay sya si MARIA nga akong kadangpan Ug sya si LELOU nga akong hinigugma’ng gang-gang Ug ang MARTINEZ mailisan na gayod ug DAGATAN Kay kami mag-unong na man hantod sa kahangturan… Uyon ka ba gang?.....